संग्रामपूर : येथील पंचायत समितीमध्ये कार्यरत असलेल्या एका कर्मचाऱ्याच्या वाहनाला १ ९ जून रोजी रात्री ८.३० वाजताच्या सुमारास पातुर्डा – खोरोङ्यादरम्यान वरवट बकाल – शेगाव रस्त्यावर अपघात होऊन त्यात ते गंभीर जखमी झाले आहेत . जखमी झालेल्या कर्मचाऱ्याचे नाव सोळंकी असून ,ते संग्रामपूर पंचायत समितीमध्ये लेखाधिकारी म्हणून कार्यरत असल्याची माहिती प्राप्त झाली आहे . आपल्या वाहनाने ते वरवट बकाल वरून शेगावकडे जात असतांना. वाहनावरील नियंत्रण सुटल्याने हा अपघात झाल्याचे सांगण्यात येत आहे व वाहनाचेही यात मोठे नुकसान झाले आहे . सुदैवाने याच मार्गाने संग्रामपूर येथील आरोग्य विभागात असलेले डॉ . संजय महाजन हे जात असताना त्यांना अपघातग्रस्त वाहन दिसले . त्यामुळे त्यांनी तत्काळ अपघातस्थळाकडे धाव घेतली व वाहनाची काच फोडून सोळंकी यांना वाहनातून बाहेर काढले . सध्या सोळंकी यांना शेगाव येथील रुग्णालयात उपचारासाठी हलविण्यात आले असल्याची माहिती आहे.
पंचायत समिती कर्मचाऱ्याच्या चार चाकी वाहनाचा अपघात
