खामगांव : कोरोना विषाणू प्रादुर्भावमुळे राज्यावर मोठे आर्थिक संकट ओढावले आहे. अशा परिस्थितीत गरीब, गरजू लोकांना मदत करणे गरजेचे आहे. त्यासाठी पंतप्रधान नरेंद्र मोदी यांनी प्रधानमंत्री सहाय्यता निधीला व महाराष्ट्र राज्याचे मुख्यमंत्री उध्दव ठाकरे यांनी मुख्यमंत्री सहाय्यता निधीला मदत करण्याचे आवाहन केले होते.त्यानुसार आज १५ मे रोजी शासकीय तंत्रनिकेतन खामगांव माजी-विद्यार्थी संघातर्फे प्रधानमंत्री सहाय्यता निधी व मुख्यमंत्री सहाय्यता निधी करीता छोटीशी मदत म्हणून प्रत्येकी ११००० असे एकूण २२००० रकमेचे धनादेश मुकेश चव्हाण (उपविभागीय अधिकारी खामगांव ) यांच्याकडे सुपुर्द केले. यावेळी प्रविण पुंडकर (कोषाध्यक्ष) दुष्यंत केडिया (सदस्य) सचिन सोनी (अधिव्याख्याता स्थापत्य अभि. व माजी-विद्यार्थी) आदी उपस्थित होते.
शा.तं.नि माजी-विद्यार्थी संघातर्फे प्रधानमंत्री व मुख्यमंत्री सहाय्यता निधी करीता मदत
