डॉ राजेंद्र शिंगणे यांनी चुकीचे वक्तव्य करून आचारसंहितेचा भंग केल्याप्रकरणी तक्रार…
पदवीधर मतदान संघाची निवडणूक रणधुमाळी सुरू आहे.उद्धव ठाकरे गट शिवसेना आणि वंचित बहुजन आघाडी यांची युती झाल्यानंतर अमरावती पदवीधर मतदार संघाचे वंचित बहुजन आघाडीचे उमेदवार अनिल अमलकार यांनी महाविकास आघाडीचे उमेदवार धीरज लिंगाडे यांना पाठिंबा देण्यासंदर्भात आमची बोलणी सुरू आहे,आणि लवकरच त्याला यश मिळणार असल्याचे वक्तव्य डॉ राजेंद्र शिंगणे यांनी केले होते, मात्र त्या नंतर आता वंचित बहुजन आघाडी चे उमेदवार अनिल अमलकार यांनी खामगाव पोलीस ठाण्यात तक्रार दाखल केली आहे.माजी मंत्री डॉ राजेंद्र शिंगणे किंवा महाविकास आघाडीच्या कुठल्याही नेत्यांकडून आमच्या नेत्यांसोबत बोलणे झालेले नाही,त्यामुळे डॉक्टर शिंगणे यांनी चुकीचे वक्तव्य करत मतदारांची दिशाभूल करण्याचा प्रयत्न केला असून आणि हा आचारसंहितेचा भंग असून त्यांच्यावर कारवाई करण्यात यावी अशी तक्रार दाखल केली आहे.
