खामगाव : सध्या महाराष्ट्रासह बुलडाणा जिल्ह्यात कोरोनाने थैमान घातले आहे व या च पार्श्वभूमीवर सर्वत्र लॉकडाऊन सुरू आहे. मात्र या काळात पोलीस प्रशासन, आरोग्य यंत्रणा, सर्व अधिकारी, कर्मचारी आपले कर्तव्य पार पाडत आहेत. अश्याच पोलीस प्रशासकीय अधिकारी-कर्मचारी यांची काळजी घेण्याचे कार्य शहरातील काही सामाजिक जाणिव असणारे प्रतिष्ठित नागरिक करीत आहेत. यांच्यातर्फे लॉकडाऊन दरम्यान शहरात ऑनड्यूटी असणारे पोलीस बांधव, नगर परिषद तसेच तहसील विभागाचे अधिकारी-कर्मचारी यांना दररोज वेळोवेळी चहा, बिस्कीट व नाश्ता दिला जातो. सोबतच वारंवार हात निर्जंतुकीकरण करण्यासाठी सॅनिटायझर देखील देण्यात येते. याप्रमाणेच निराधारांनाही चहा-नाश्ता देण्यात येतो. या मध्ये नरेंद्र मावळे, रवी आनंदे, लक्ष्मण आयलानी, गोपाल गोहेल, संजय शर्मा, रवि जोशी, जितेंद्रसिंह मेहरा, गोपाल खंडेलवाल हे मागील काही दिवसांपासून अविरतपणे कार्य करत आहेत.
नागरीकांकडून घेतली जाते पोलिसांची काळजी
