खामगाव आयपीएल सामन्यावर सट्टा खेळणाऱ्या व खेळविणाऱ्यास स्थानिक चांदमारी भागातून अटक करण्यात आली आहे . एएसपी श्रवण दत्त यांच्या पथकाने काल रात्री ही कारवाई केली. अप्पर पोलिस अधिक्षक श्रवण दत्त यांना चांदमारी भागात आयपीएल सामन्यावर सट्टा खेळविला जात असल्याची गुप्त माहिती मिळाली . त्यावरून त्यांच्या पथकाने काल रात्री चांदमारी भागातील गजानन अंबादास ठोंबरे यांच्या घरी अचानक छापा मारला .
यावेळी ठोंबरे हा आयपीएल स्पर्धेतील गुजरात व बैंगलोर या सामन्यावर सट्टा खेळतांना व खेळवितांना मिळून आला . याप्रसंगी पोलिसांनी ठोंबरे यास अटक करून त्याच्या ताब्यातून ४ मोबाईल व इतर साहित्य असा १३,३०० रू . चा मुद्देमाल जप्त केला . याप्रकरणी त्याच्याविरूद्ध शहर पोस्टेला कलम ४,५ महाराष्ट्र जुगार कायद्यानुसार गुन्हा दाखल केला आहे . ही कारवाई एएसपी श्रवण दत्त यांच्या आदेशाने पोलिस उपनिरीक्षक पंकज सपकाळ , पोहेकॉ . गजानन बोरसे , नापोकॉ गजानन आहेर , संदीप टाकसाळ , राम धामोडे , अनिता गायकी , निर्गुंना सोनटक्के यांनी केली .
