शहरातील त्रिशरण चौकातील घटना
दोघांचा मृत्यू तर तिघांवर उपचार सुरू
बुलढाणा : येथील त्रिशरण चौकात पोटाची खळगी भरण्यासाठी आलेल्या घिसडी समाजाचे लोकांचे रस्त्याच्या कडेला पाल टाकून वीळे, कुन्हाडी, तवे अशी लोखंडी साहित्य तयार करून विकून पडोळकर व सोळंके कुटुंबीय आपली उपजीविका चालवत होते.१७ मार्चच्या रात्री १२ ते १ च्या दरम्यान काळाने त्यांच्यावर झडप घातली. भरधाव वेगाने येणाऱ्या अँम्बुलंसचे टायर फुटल्याने सरळ अँम्बुलंस रस्त्याच्या कडेला कुटुंब झोपलेले असताना त्यांच्या अंगावरुन गेली. सदर अपघात इतका भीषण होता की,यामधे अनिल गंगाराम पडोळकर वय २९ याचा जागीच मृत्यू झाला तर बेबाबाई शेषराव सोळंके वय ३५ , आकाश अनिल पडोळकर वय ४ , शेषराव लक्ष्मण सोळंके वय ४०, मायाबाई अनिल पडळकर वय ३० हे सर्व रा.पारधीबाबा मंदिराजवळ चिखली जखमी झाले आहेत. यामधील मायाबाई अनिल पडळकर यांची प्रकृति गंभीर झाल्याने यांना अकोला येथे रेफर करण्यात आले मात्र त्यांचा अकोला येथे उपचारादरम्यान मृत्यू झाला.
