खामगांव : कोरोनाचा विषाणुचा संसर्ग दिवसेंदिवस वाढत असल्यामुळे जिल्हाधिकारी यांनी पानटपऱ्या बंद करण्यात आल्या आहे.जिल्हाधिकारी बुलडाणा यांनी एका आदेशान्वये पानटपरी उघडण्यास मनाई केली आहे.त्यामुळे शिवाजी नगर पोलिस स्टेशनच्या हद्दित येणाऱ्या वेगवेगळ्या ठिकाणी पानटपऱ्या उघडल्यामुळे चौघांविरुद्ध गुन्हा दाखल करण्यात आला आहे. जिल्हाधिकारी यांनी 23 मार्च रोजी दिलेल्या एका आदेशान्वये पानटपरी उघडन्याचे आदेश नसताना येथील घाटपुरी येथील अमोल रमेश कापडे,सजनपुरी भागात सचिन किसन बेनीवाल,जुगनु ढाब्याजवळील रमेश मनोहर इटनारे व एमआयडीसी भागात मनोज मोहन लांडगे यांनी काल ४ जुलै रोजी पानटपरी उघडून गर्दी जमा केली व जिल्हाधिकारी यांच्या आदेशाचे उल्लंघन केले. याप्रकरणी शिवाजी नगर पोस्टेचे पीएसआय मनोज सुरवाडे व पीएसआय बारिंगे यांनी दिलेल्या फिर्यादीवरून उपरोक्त चौघांविरूध्द भादंवि कलम २६९,२७० सहकलम साथीचे रोग अधिनियम २, ३ आपत्ती व्यवस्थापन ५१ ब नुसार गुन्हा दाखल करण्यात आला आहे.
४ पानटपरी धारकांविरुद्ध पोलिसांची करवाई
